|
|
Li té ve’war
Li té ve ‘war dann son zie
Kèl kouler vérité
Si té nwar si té blan
Kèl mayaj santiman
Li té ve ‘war konbyinn po
Si li navé an tro
Si té inn si té sèt
Si té fo tiré ou mèt
Li té ve ‘war dann son ker
Par dann-fon in limièr
Ki li lé
Li té ve ‘war dann son kor
Kèl san té koul pli for
Dann son lidé son vène
Kèl la klé kèl la shène
Li té ve ‘war dann son lam
Kèl tanbour kèl tam-tam
Kèl gayar kèl féblès
Kèl i shanj kèl i rès
Li té ve ‘war dann son ker
Par dann-fon in limièr
Ki li lé
Kèl mémwar
Kèl zistwar
Kèl vérité
Kisa li lé
Dan la glas kisa li lé
Kwé li ‘wa pa
|
Il voulait voir
Il voulait voir dans ses yeux
De quelle couleur était la vérité
Etait-elle noire ou blanche
Sentiments mêlés
Il voulait voir combien de peaux
S’il y en avait en trop
Y en avait-il une ou sept
S’il fallait en enlever ou mettre
Il voulait voir dans son cœur
Au fond une lumière
Qui est-il
Il voulait voir dans son corps
Quel sang coulait le plus fort
Dans ses idées, dans ses veines
Lequel est clé lequel est chaîne
Il voulait voir dans son âme
Lequel est du tambour lequel est du tam-tam
Lequel est force lequel est faiblesse
Lequel change lequel demeure
Il voulait voir dans son cœur
Au fond une lumière
Qui est-il
Quelle mémoire
Quelle histoire
Quelle vérité
Qui est-il
Dans le miroir. Qui est-il
Que ne voit-il pas |
|---|
